Skip to content
Home » इसीए मेयर लिग : हानामी वारियर्सको सुखद सुरुवात

इसीए मेयर लिग : हानामी वारियर्सको सुखद सुरुवात

  • by

प्रथम इष्टर्न क्रिकेट एकेडेमी (इसीए) मेयर लिग टी–२० क्रिकेट प्रतियोगिताको हानामी वारियर्सले ६ विकेटको जित दर्ता गर्दै प्रतियोगितामा सुखद सुरुवात गरेको छ। हानामी वारियर्सले इसीए मेयर लिगको पाँचौं खेलमा बिएम ब्लास्टर माथि ६ विकेटको जित दर्ता गरेको हो।

टिकैली खेल मैदान टस जितेर ब्याटिङ रोजेको बिएम ब्लास्टरले १७.३ ओभरमा सम्पुर्ण विकेट गुमाउदै ८४ रनको कम योगफलमा समेटिएको थियो। बिएम ब्लास्टरले आफ्नो दुवै टप- अडर ब्याटर शुभ कंस्कर र रिकिन कोइरालालाई सुरुवाती ६ ओभर भित्रै रन- आउट मार्फत गुमाएको थियो। शुभले ९ र रिकिनले २ रन जोडे। सुवास दवाडीले २७ बलमा एक चौका र ३ छक्काको मद्दतमा २३ रन प्रहार गरे। अन्य ब्याटरको प्रदर्शन भने सम्झन लायक रहेन।

बिएम ब्लास्टरलाई सस्तोमा रोक्न हानामी वारियर्सका स्पिनर क्रिजन गुरुङले ४ ओभरमा १ मेडेन राख्दै १७ रन खर्चिएर २ विकेट लिए। क्रिजनले बिएम ब्लास्टरका टप-अडर ब्याटर कप्तान सुमन सुनवार र युवराज खरेलको विकेट लिएका थिए। कैलाश पंगेनीले २ ओभरमा ९ रन खर्चिएर २ विकेट लिए।

८५ रनको सामान्य लक्ष्य लिएर मैदान आएको हानामी वारियर्सले १४.३ ओभरमा ४ विकेट गुमाउदै लक्ष्य भेटायो। सुरुवाती ओभरमा कप्तान आकाश थापालाई ४ रन र श्याम मण्डललाई शून्यमा गुमाउदै दबाबमा देखिएको थियो। तर राम बिक्रम कार्कीले समालेर ब्याटिङ गर्दा हानामी वारियर्सले सहजै जित दर्ता गर्यो। राम बिक्रम कार्कीले ३७ बलमा ३ चौका र ३ छक्काको मद्दतमा ३८ रनको आजिबित पारी खेले। गौरब खड्काले १४ बलमा १७ रन प्रहार गरे। क्रिजन गुरुङले ८ रन जोडे।

Leave a Reply

Your email address will not be published. Required fields are marked *