प्रथम इष्टर्न क्रिकेट एकेडेमी (इसीए) मेयर लिग टी–२० क्रिकेट प्रतियोगिताको ८औ खेलमा टाँडी टाइटन्सले बिएम ब्लास्टर माथि ७४ रनको फराकिलो जित दर्ता गरेको छ।
टिकैली खेल मैदान टस जितेर ब्याटिङ रोजेको टाँडी टाइटन्सका जेनिश क्षेत्री र विकल गुप्ताले सानदार ब्याटिङ गर्दा टाँडी टाइटन्सले निर्धारित २० ओभरमा ६ विकेट गुमाउदै १४७ रन जोडेको थियो। ओपनर ब्याटर जेनिश क्षेत्रीले ५२ बलमा ७ चौका र ४ छक्काको मद्दतमा ७३ रनको आक्रामक पारी खेले। उनले ३८ बलमा अर्धसतक पुरा गरेका थिए। आक्रामक पारी खेलेका जेनिशलाई १७औ ओभरमा मुकेश यादवले बोल्ड गरेका थिए। साथै विकल गुप्ताले १७ बलमा २१ रन प्रहार गरे। उनले पारीमा २ चौका र १ छक्का प्रहार गरे। कप्तान संघर्ष पौडेलले १२ र विशाल फुयाँलले १० रन जोडे। अन्य ब्याटरको प्रदर्शन भने सम्झन लायक रहेन।
बिएम ब्लास्टरका मुकेश यादबले ३ ओभरमा १९ रन खर्चिएर ३ विकेट लिएका थिए। उनले आक्रामक पारी खेल्दै गरेका जेनिश क्षेत्री र विकल गुप्ता बोल्ड गरेका थिए। सुवास दवाडी र दानिश इकबाल सम्मान एक-एक विकेट लिए।
१४८ रन लक्ष्य लिएर मैदान आएको बिएम ब्लास्टर कुनै पनि ब्याटर क्रिजमा जम्मन नसक्दा बिएम ब्लास्टरले निर्धारित १५.३ ओभरमा सम्पूर्ण विकेट गुमाउदै मात्र ७३ रन जोड्यो। बिएमका चन्द्रकान्त पौडेलले २२बलमा १७ रन जोडे। शुभ कंस्करले १३ बलमा १९ रन प्रहार गरे। अन्य ब्याटरको प्रदर्शन भने सम्झन लायक रहेन।
बिएम ब्लास्टरलाई सस्तोमा रोक्न टाँडीका कप्तान संघर्ष पौडेलले ३.३ ओभरमा १० रन खर्चिएर ३ विकेट लिए। नरेश प्रधान र विशाल फुयाँल सम्मान दुइ- दुइ विकेट लिए। खेलको म्यान अफ द म्याच जेनिश क्षेत्री भए।