लक्की सापकोटाको सानदार अर्धसतकमा नेप्लीज क्यानेडियन क्रिकेट क्लब प्रथम इष्टर्न क्रिकेट एकेडेमी (इसीए) मेयर लिग टी–२० क्रिकेट प्रतियोगितामा लगातार दोस्रो जित दर्ता गरेको छ। नेप्लीज क्यानेडियन क्रिकेटले आज भरतपुर इलेभेन माथि ४ विकेटको जित दर्ता गरेको छ।
टिकैली खेल मैदानमा भरतपुर इलेभेनले टस जितेर ब्याटिङ रोजेको थियो। भरतपुरले निर्धारित २० ओभरमा ६ गुमाउदै १३० रन जोडेको थियो। भरतपुरका रोनिम तिवारीले ३५ बलमा ३ चौका र १ छक्काको मद्दतमा ३० रन प्रहार गरे। दिवश आचार्यले १८ बलमा २ चौका र २ छक्काको मद्दतमा ३३ रन प्रहार गरे।
नेप्लीज क्यानेडियन क्रिकेट क्लबका बिशाल पौडेलले ४ ओभरमा २६ रन खर्चिएर २ विकेट लिए। कप्तान गौतम केसीले ४ ओभरमा २८ रन खर्चिएर २ विकेट।
१३१ रनको मध्यम लक्ष्य लिएर मैदान आएको नेप्लीज क्यानेडियन क्रिकेट क्लबका टप-अडर ब्याटर लक्की सापकोटाले समालेर ब्याटिङ गर्दै ४१ बलमा ५४ रन प्रहार गरे। अर्धसतकिया पारीमा लक्कीले ८ चौका र १ छक्का प्रहार गरे। साथै गौतम केसी १२ बलमा १३ रन प्रहार गरे। नेप्लीज क्यानेडियन क्रिकेट क्लबले १८ ओभरमा खेल जित्यो।
खेलको म्यान अफ द म्याच लक्की सापकोटा भए।